मराठीतील म्हणी व त्यांचे अर्थ

मराठीतील म्हणी व त्यांचे अर्थ

Sunil Gawade    July 05, 2020   

​​

मराठी म्हणी

1. पी हळद हो गोरी – उतावळेपणा दाखविणे

2. मेल्याशिवाय स्वर्ग दिसत नाही – प्रत्यक्ष अनुभव घेतल्याशिवाय कळत नाही
3. बाप दाखव नाहीतर श्राद्ध कर – दोनपैकी एक पर्याय निवडणे
4. चार दिवस सासूचे चार दिवस सुनेचे – प्रत्येकाची वेळ कधीतरी येतेच
5. आंधळा मागतो एक डोळा देव देतो दोन डोळे – अपेक्षेपेक्षा जास्त प्राप्ती होणे
6. उंटावरचा शहाणा – मूर्ख सल्ला देणारा
7. अडला हरी गाढवाचे पाय धरी – अडचणीच्या वेळी मूर्खाचीही मनधरणी करावी लागते
8. नाचता येईना अंगण वाकडे – स्वत:स चांगले काम येत नसणारा दुसऱ्याचे दोष काढतो
9. तोंड दाबून बुक्क्यांचा मार – विनाकारण जुलूम सहन करावा लागणे
10. नावडतीचे मीठ अळणी – नावडत्याने काही चांगले केले तरी आवडत नाही
11. अंथरूण पाहून पाय पसरावे – ऐपत पाहून खर्च करवा

                                                           #marathigavranmhani

12. छत्तीसाचा आकडा – विरुद्ध मत असणे
13. तेरड्याचा रंग तीन दिवस – एखादे कार्य थोडे दिवस जोरात चालून एकदम बंद पडणे
14. दुष्काळात तेरावा महिना – संकटात अधिक भर
15. नव्याचे नऊ दिवस – नवेपणा असतानाचे कौतुक नंतर टिकत नही
16. एका हाताने टाळी वाजत नाही – दोष दोन्हीकडे असतो
17. पालथ्या घड्यावर पाणी – सर्व प्रयत्न निरुपयोगी ठरणे
18. वासरात लंगडी गाय शहाणी – अडाणी लोकात अल्प ज्ञान असणारा शहाणा ठरतो
19. रात्र थोडी सोंगे फार – काम भरपूर, वेळ कमी
22. अति शहाणा त्याचा बैल रिकामा – अति शहाणपणाने नुकसान होते
21. शेरास सव्वाशेर – प्रतिपक्षापेक्षा श्रेष्ठ
22. नाकाचा बाल – अत्यंत प्रिय व्यक्ती
23. नाकापेक्षा मोती जड होणे – डोईजड होणे
24. आई जेवू घालीना बाप भीक मागू देईना – दोन्ही बाजूंनी अडचण
25. कामापुरता मामा – काम साधण्यापुरते गोड बोलणे
26. आधी पोटोबा मग विठोबा – अगोदर पोट भरावे मग देवास आळवावे
27. काखेत कळसा गावाला वळसा – वस्तू स्वत:पाशी असून शोधत राहणे
28. झाकली मूठ सव्वा लाखाची – दुर्गुण असले तरी प्रकट करू नयेत
29. पायीची वहाण पायी बरी – योग्यतेप्रमाणे वागवावे
30. मऊ सापडले म्हणून कोपराने खणू नये – एखाद्याच्या चांगुलपणाचा फार फायदा घेऊ नये
31. उंटावरून शेळ्या हाकणे – आळस, हलगर्जीपणा करणे
32. कावळ्याच्या शापाने गाय मरत नाही – क्षुद्र माणसांच्या निंदेने थोरांचे नुकसान होत नाही
33. कोल्हा काकडीला राजी – लहान माणसे थोड्या गोष्टीने संतुष्ट होतात
34. गाढवाला गुळाची चव काय – अडाणी, मूर्ख माणसास गुणाचे कौतुक नसते
35. घोडामैदानजवळ असणे – परीक्षा लवकरच होणे
36. डोंगर पोखरून उंदीर कढणे – जास्त श्रम करून कमी फायदा होणे
37. भरंवशाच्या म्हशीला टोणगा – पूर्ण निराशा करणे
38. वरातीमागून घोडे – एखदी गोष्ट झाल्यावर तिची साधने जुळवणे
39. पाण्यात राहून माशाशी वॆर – बलवानाशी शत्रुत्व काय कामाचे ?
40. खायला काळ भुईला भार – ज्याचा काही उपयोग नाही असा माणूस भार बनतो

                                                    #marathibhashetilmhani

41. तेल गेले, तूप गेले, हाती धुपाटणे आले – दोन्ही फायदा करून देणाऱ्या गोष्टी मूर्खपणामुळे हातच्या जाणे
42. नाव मोठे लक्षण खोटे – कीर्ती मोठी पण कृती छोटी
43. हपापाचा माल गपापा – लोकांचा तळतळाट करून मिळवलेले धन झपाट्याने नष्ट होते
44. कुऱ्हाडीचा दांडा गोतास काळ – आपल्याच हातून आपल्या जातभाईंचे नुकसान होणे
45. गर्जेल तो पडेल काय? – पोकळ बडबडणारा काही करून दखवत नाही
46. टाकीचे घाव सोसल्याशिवाय देवपण येत नही – कष्टाशिवाय यश मिळत नाही
47. वारा पाहून पाठ फिरवावी – वातावरण पाहून वागावे
48. कुंपणानेच शेत खाणे – रक्षणकर्त्यानेच नुकसान करणे
49. दगडावरची रेघ- कायमची गोष्ट

 marathi mhani va tyanche arth

मराठी सुविचार भाग - 3 [ Success Vichar ]

मराठी सुविचार भाग - 3 [ Success Vichar ]

Sunil Gawade    July 05, 2020   

तुम्ही दररोज जेवढं स्वतःशी बोलत असतात तेवढं तुम्ही कुणाशीच बोलत नसतात, त्यासाठी दयाळूपणे, सकारात्मक गप्पा करत चला.

​आपल्याला इतरांपेक्षा बुद्धिवान होण्याची गरज नाही आहे.

आपल्याला इतरांपेक्षा शिस्तप्रिय रहाण्याची आवश्यकता असते.

​जर तुमच्याकडे प्रेम करण्याची पात्रता

आहे तर सर्वात आधी स्वतःवर प्रेम करायला शिका.

लोकांना तुमच्याबद्दल काय वाटते ते कदाचित तुमच्याकडे बोलून दाखवणार नाहीत पण ते नेहमी तुम्हाला त्यांच्या कृतीमधून दाखवून देत असतात. काळजीपूर्वक लक्ष असू द्या.

​आपल्यात असणारी अपूर्णता पाहून कधीच निराश होऊ नका, कारण आपल्यातील दोषांची जाणीव झाल्यामुळेच आपले दोष कमी होत असतात.

​जे लोक इतरांच्या दोषांचे तुमच्यापुढे वर्णन करत असतात ते तुमच्या दोषांचे वर्णन तिसऱ्या व्यक्तीकडे करत असतात हे लक्षात असू द्या.

motivational quotes in marathi for success

​७ गोष्टी ज्या तुमचं जीवन बदलवू शकतात :

संभाषण सुरू करणारे पहिले व्यक्ती बना -

        संभाषणाची सुरुवात जेव्हा तुम्ही करत असतात तेव्हा तुम्ही लहान बनत नाहीत.

नाही म्हणायला शिका -

        ज्या गोष्टी तुम्हाला आवडत नाहीत त्या गोष्टीना नकार द्यायला शिकल्यामुळे तुमच्या जीवनातील ३०% तणाव नष्ट होतो.

संदेश किंवा इमेल्सला लगेच प्रतिउत्तर देऊ नका - 

        तुमचा मेंदू झटपट निर्णय घेण्यास काही वेळेस सक्षम असतो. काही वेळ वाट बघा किंवा प्रतिउत्तर देण्यासाठी एक वेळ ठरवा जेणेकरून तुम्हाला त्यात नंतर काही बदल जरण्याची आवश्यकता भासल्यास करता येईल.

मृत्यू हा अटळ आहे हे नेहमी लक्षात असू द्या -

        तुम्ही जेव्हा एखादी गोष्ट करत असतात तेव्हा असा प्रश्न स्वतःला विचारा की, आज जर माझा या पृथ्वीवर शेवटचा दिवस असेल तर मी हेच काम करणे पसंत करणार का?

​सेवाक्षेत्रातील प्रत्येक व्यक्तीला आदर असू द्या -

        मग तो वेटर असेल, चपराशी असेल किंवा क्लर्क असेल किंवा कुणीही त्यांच्या आदरपूर्ण वागणूक असू द्या. स्मितहास्य चेहऱ्यावर असू द्या त्यांना त्यांच्याबद्दल चांगली टिप्पणी द्या पण ती खरी आणि मनापासून दिलेली असली पाहिजे. याचा तुम्हाला फायदा होतोच. 

ज्या गोष्टींची तुम्हाला अजिबात गरज नाही आहे अशा गोष्टी विकत घेणे टाळा -

        एखादी महागडी गोष्ट तुम्हाला विकत घेण्याची इच्छा मनात निर्माण होते पण त्याआधी किमान ३ दिवस प्रतीक्षा करा, आणि त्या ३ दिवसात तुम्हाला असे जाणवले की खरंच मला या गोष्टीची नितांत आवश्यकता आहे. तरच त्या गोष्टीची खरेदी करा.

शिकण्यासाठी नेहमी तयार रहा-

        शिकतांना तुमचा अहंकार बाजूला ठेवा. तुमचे मुलं किंवा कुणीही ज्याला तुम्ही अगदी हलकट समजतात अशी लोक तुम्हाला जीवनात मोलाचे धडे शिकवू शकतात.

​ईश्वर हा खूप दयाळू आहे तो कुणालाच शिक्षा देत नसतो, पण तुमच्या कर्माची फळे मात्र तुम्हाला नक्कीच आज ना उद्या भोगावीच लागतात. 

 आपले कर्म चांगले असू द्या

​जर तुम्ही तुमच्याकडे जे आहे त्याबद्दल कृतज्ञ नसाल तर तुम्ही असा विचार कसा करू शकतात की तुम्ही अजून काहीतरी मिळवल्यावर आनंदी व्हाल? 

आपल्याकडे जे आहे त्याबद्दल आपण नेहमीच कृतज्ञ असायला हवं

​असे काही लोक असतात ज्यांचं शिक्षण तुमच्यापेक्षा कमी असतं आणि ते असे काहीतरी करत असतात की जे करायची तुम्ही इच्छा होती.

कसकाय?

त्यांनी स्वतःवर विश्वास ठेवायला सुरुवात केली म्हणून.

स्वतःवर विश्वास असू द्या मित्रानो

good thoughts in marathi